Vanrhynsdorp is die oudste en mees suidelike dorp in Namakwaland, wat bekend is vir sy asemrowende sonsondergange, seldsame flora en tapyte van veldblomme wat elke jaar tussen Julie en September wonderbaarlik verskyn.

Matzikama is die tuiste van die mees noordelike wingerde van die Wes-Kaap en bied die wynliefhebber ‘n verskeidenheid kelders om te besoek vir wynproe en/of -aankope. Staproetes in en om Matzikama gee die stapper die geleentheid om die ruwe skoonheid, eindelose uitsigte en flora en fauna van die gebied te absorbeer. Rotskuns, die antieke beeldgeskiedenis van die San- en Khoi-mense, is volop in die gebied, met van die mooistes wat in die Matzikama-berge gesien kan word. Vier x vier roetes vorm deel van die aktiwiteite wat aangebied word aan die buitelug-, avontuurlustige besoeker.

Sterrekykersparadys! Die helder somernaghemel, minimale omringende dorpsbeligting en byna geen lugbesoedeling maak dit ‘n ideale omgewing om die suidelike naghemel te verken. Ons oord is ‘n uitstekende stop vir vakansiegangers of 4×4-reisigers op pad na Namibië of om die “Knersvlakte” met sy seldsame plantspesies te besoek!

Winter, ons reënseisoen, val gedurende die maande Mei – Augustus en is oor die algemeen koel met ‘n gemiddelde temperatuur van 20°C. Somers aan die ander kant is warm en droog, met ‘n relatief gemaklike gemiddelde temperatuur van 29°C.

Wat om saam te bring? ‘n Kamera, videokamera, verkyker, goeie boek oor blomme van Namakwaland, sonhoed, sonskerm, sonbril en ‘n noodhulpkissie.